每當提到伊朗，唔知史友們會諗起呢個國家乜嘢地方？其實阿史都好想去伊朗呢個國家，而古城波斯波利斯就係其中一個目的地。波斯波利斯係昔日波斯帝國嘅首都，建於公元前六世紀，但經歷多年戰亂，波斯波利斯古城只係得遺址，昔日宮殿嘅正門「萬國門」，就成為世界各地遊客慕名而來嘅古蹟。